Die Geschichte vom Brandner Kaspar

    Aus Film-Lexikon.de

    Oiso, sowas hod er ja no nia dalebt, der Boanlkramer! Und des mog wos hoaß'n, denn er is ja schließlich der Boanlkramer, sozusogn der Tod höchstpersönlich. Er hoid de Leid ins Paradies, scho seid Ewigkeiten und de Bayern g'hern zu seim Revier.

    Aber so a sturer Setzschädl wia da Brandner Kaspar is eahm no nia unterkemma. Da Brandner denkt ja gar net dro, da mit z'geh. Boanlkramer, Tod, Ewigkeit? Ja sonst no was! Und überhaupt, is er erst 69ge, des is doch koa Alter zum sterbn! Da Boanlkramer ziagt alle Register und red si s'Mei fransig, aber do dad'n ned amoi de himmlichen Engelszungen wos hoifa, der Brandner sträubt si mit Händ und Fiaß und dann holt er a no sein Kerschgeist aussa. A ganz a feurigs Tröpferl, mei Liaba, do konn da Boanlkramer gar ned na sogn.

    Des Verhängnis nimmt sein Lauf: Der Boanlkramer is der bayerischen Sprach boid nimma recht mächtig und da Brandner hod a ganz a ausg'fuxte Idee! Er hoid de Spuikarten viera und kartelt mit dem Boanlkramer ganz einfach ums Leb'n. Kurz und guad: Da Tod is b'suffa und da Brandner b'scheißd'n nach Strich und Faden. Am End bratzelt eahm da Brandner um 21 Jahr!

    Da Boanlkramer muaß oiso unverrichteter Dinge wieda geh - ohne Brandner. Der hod ja jetz no Zeit - 21 Jahr! So ein Gratler! Wenn des da Petrus mitkriagt - auwehzwick, des kunnt an saubern Anschiß gebn. Des G'scheiderste wird sei, wenn er einfach gar nix sogt ...

    Da Brandner g'freid si dawei wia narrisch! Ha, den Tod hod er b'schissn, des mechst ja ned glaubn! Erst wenn er 90ge werd, derf der Boanlkramer wieda kemma und bis dahie konn eahm gar nix passiern - moant er ...

    Aber dua di net täuschn, Brandner!



    Filmstab

    Regie Joseph Vilsmaier
    Drehbuch Klaus Richter
    Vorlage Nach dem Buch von Kurt Wilhelm
    Kamera Joseph Vilsmaier
    Schnitt Uli Schön
    Produktion Joseph Vilsmaier, Markus Zimmer

    Darsteller

    Brandner Kaspar Franz Xaver Kroetz
    Boanlkramer Michael "Bully" Herbig
    Nannerl Lisa Maria Potthoff
    Toni Peter Ketnath
    Fonse Sebastian Bezzel
    Kugler Alois Alexander Held
    Girgl Jürgen Tonkel
    Karl Wilhelm von Zieten Detlev Buck
    Erzengel Michael Herbert Knaup
    Petrus Jörg Hube
    Theres Elisabeth Trissenaar


    Wertungen

    0 Sterne
    0 Bewertungen
    Original -
    Jahr/Land 2008 / Deutschland
    Genre Komödie
    Film-Verleih Concorde Filmverleih GmbH
    FSK ab 6 Jahre
    Laufzeit 100 Minuten
    Kinostart 16. Oktober 2008